Mörkuðum lokað korteri eftir opnun í Kína

07.01.2016 - 02:08
Erlent · Asía · Viðskipti
A Chinese investor monitors stock prices at at a brokerage house in Beijing, Monday, Aug. 24, 2015. Stocks tumbled across Asia on Monday as investors shaken by the sell-off last week on Wall Street unloaded shares in practically every sector. (AP Photo
 Mynd: AP
Hlutabréfamörkuðum var lokað í Kína skömmu eftir opnun í nótt eftir að Sjanghæ hlutabréfavísitalan féll um ríflega sjö prósent. Shenzhen vísitalan lækkaði enn meira, eða um 8,35 prósent. Lækkunin kemur í kjölfarið á döprum degi á mörkuðum í Evrópu og Bandaríkjunum þar sem vaxandi áhyggjur eru af efnahag Kína.

Áformað var að aflétta banni á morgun, sem myndi gera þeim sem eiga meira en fimm prósent hluti í fyrirtækjum kleift að selja hlutabréf sín. Samkvæmt heimildum AFP fréttaveitunnar er verið að íhuga að fresta þeim áformum. Banninu var komið á í sumar eftir hratt fall hlutabréfavísitölunnar síðastliðið sumar. Stjórnvöld lækkuðu fyrr í kvöld gengi yuans um 0,51 prósent gagnvart bandaríkjadal, sem er mesta lækkun frá því í ágúst.

Nikkei vísitalan í Japan lækkaði um 1,78 prósent og í Hong Kong féll vísitalan um rúm þrjú prósent.


Deila frétt



Róbert Jóhannsson
Fréttastofa RÚV
07.01.2016 - 02:08
Erlent · Asía · Viðskipti