Marokkó tekur við sínu fólki

29.01.2016 - 05:35
Anti-government protesters from the 20th February, the Moroccan Arab Spring movement, shout as thousands of teacher trainees march in Morocco's capital city, denouncing government measures that would trim the education branch of the public sector
Þúsundir kennaranema mótmæla niðurskurði í menntamálum og skólakerfi Marokkós. Slík mótmæli hafa staðið vikum og mánuðum saman. Öryggissveitir þykja hafa gengið giska hart fram gegn mótmælendum.  Mynd: AP
Stjórnvöld í Marokkó hafa lýst sig reiðubúin að taka á móti öllum marokkóskum borgurum sem sótt hafa um hæli í Þýskalandi en ekki fengið. Í tilkynningu frá marokkósku hirðinni segir að Múhameð VI. Marokkókonungur hafi átt viðræður við Angelu Merkel, Þýskalandskanslara á miðvikudag. Samkomulag hafi náðst um málsmeðferð þeirra Marokkómanna sem dvelja ólöglega í Þýskalandi, og þeir yrðu sendir aftur til Marokkós án frekari tafar.

Innan við 4% Marokkómanna sem sóttu um hæli í Þýskalandi töldust eiga réttmæta kröfu til alþjóðlegrar verndar og fengu umsókn sína samþykkta. Þjóðverjar greindu frá því í gærkvöldi að þeir hefðu ákveðið að setja Marokkó á lista yfir örugg ríki, sem þýðir að litlar sem engar líkur eru á að fólk þaðan muni fá hæli í Þýskalandi. Alsír og Túnis bætast einnig á listann, en nýlega voru Albanía, Kósóvó og Svartfjallaland sett á þennan sama lista öruggra ríkja. 


Deila frétt



Ævar Örn Jósepsson
Fréttastofa RÚV
29.01.2016 - 05:35