ruv.is

Um 14 þúsund viðskiptavinir hafa nýtt sérstakar lausnir Arionbanka þær 9 vikur sem þær hafa staðið til boða en lausnir bankans standa viðskiptavinum til boða til 1. júlí. Í tilkynningu frá bankanum kemur fram að ungt fólk með sína fyrstu íbúð, sé þar í miklum meirihluta.

Um 35% viðskiptavina með erlend íbúðalán hafa nýtt sér höfuðstólsleiðréttingu bankans. Að meðaltali hefur starfsfólk bankans afgreitt um 150 lánabreytingar á viku. Í tilkynningunni kemur jafnframt fram að bankinn hefur ákveðið að krefjast ekki uppboða vegna vangoldinna húsnæðislána til loka ársins 2010, óháð því hvort um er að ræða innlend eða erlend lán.

frettir@ruv.is