Mættu þjófinum á leið í útkall
Fyrst birt: 23.02.2012 10:02, Síðast uppfært: 23.02.2012 10:12
Brotist var inn í Húsaskóla í Grafarvogi í Reykjavík rétt fyrir klukkan tvö í nótt og stálu þjófarnir sjónvarpstæki. Þegar lögreglumenn voru á leið í útkallið sáu þeir til tveggja manna og tóku niður nöfn þeirra.
Eftir að hafa rannsakað á vettvangi fór lögreglan á heimili annars þeirra og fann þar sjónvarpið.
Upp úr klukkan hálf fjögur var lögregla kölluð að Bankastræti. Þar hafði verið reynt að brjótast inn í sérvöruverslun og rúða brotin í hurð bakatil. Ekki var farið inn og því engu stolið.
Upp úr klukkan átta var rúða brotin í Bókasafni Hafnarfjarðar. Ekki er vitað hver var þar að verki.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
