Lýst eftir ökumanni sem ók á stúlku

Mynd með færslu
 Mynd: Rögnvaldur Már Helgason  -  RÚV
Lögreglan á höfuðborgarsvæðinu leitar ökumanns sem ók á fjórtán ára stúlku á mótum Logafoldar og Fjallkonuvegar í Grafarvogi í hádeginu á miðvikudaginn. Slysið varð kl. 12:45 norðaustan við Foldaskóla. Stúlkan er marin og bólgin eftir slysið en lögreglu var tilkynnt um það daginn eftir.

 Ökumaðurinn er beðinn að gefa sig fram og hafi einhverjir orðið vitni að slysinu eru þeir beðnir að hafa samband við lögreglu í síma 444-1000, í einkaskilaboðum á fésbókarsíðu hennar eða með tölvupósti á netfangið valgardurv@lrh.is.
Lögreglan bendir á að mikilvægt er að ökumenn gangi úr skugga um við slys að hvorki hafi meiðsl hlotist af né skemmdir orðið. Við tilvik sem þetta sé áríðandi að tilkynna málið til lögreglu ekki síst því áverkar séu ekki alltaf sjáanlegir á vettvangi.


Deila frétt



Anna Kristín Jónsdóttir
Fréttastofa RÚV