Litháísk glæpagengi smygla bleium
Fyrst birt: 24.05.2012 20:10, Síðast uppfært: 29.05.2012 11:11
Flokkar: Erlent
Norska lögreglan segist vera á hælum erlendra glæpagengja sem stundi stórfellt smygl á bleium frá Noregi til Litháens. Flestar vörur eru dýrari í Noregi en nágrannalöndunum en því er öfugt farið með bleiur.
Pakki af vinsælli tegund kostar aðeins 430 íslenskar krónur í Noregi en sami pakki getur kostað allt að 2500 krónur í verslunum í Litháen. Tollverðir stoppuðu nýlega litháenskan flutningabíl sem var á leiðinni yfir landamærin til Svíþjóðar með fullfermi af bleium. Áætlað götuverðmæti bleianna er vel á fjórðu milljón íslenskra króna.
Ertu með athugasemd vegna fréttarinnar? Sendu á frettir@ruv.is
