Línur að skýrast í fótboltanum á ÓL
Fyrst birt: 01.08.2012 17:38, Síðast uppfært: 02.08.2012 12:56
Rafael (t.v.) í leiknum gegn Nýja Sjálandi.
Keppni í C-riðli í knattspyrnu karla lauk á Ólympíuleikunum í dag. Brasilía og Egyptaland tryggðu sér þá farseðil í 8 liða úrslit.
Brasilía vann Nýja Sjáland 3-0 og vann alla sína leiki í riðlinum, þrjá talsins. Danilo, Leandro Damiao og Sandro skoruðu mörk Brasilíu.
Brasilía mætir Hondúras í 8 liða úrslitum.
Egyptar unnu Hvít-Rússa 3-1 og mæta Japönum í 8 liða úrslitum.
Úrslit í fleiri riðlinum ráðast í kvöld en hér má fylgjast með gangi mála og úrslitum.
Ertu með athugasemd vegna fréttarinnar? Sendu á frettir@ruv.is
