Leitað að barnaníðingi á Fjóni

Flokkar: Erlent


  • Prenta
  • Senda frétt

Danska lögreglan leggur nú allt kapp á að handsama mann sem í gær lokkaði tíu ára telpu á Fjóni upp í bíl sinn og beitti hana svo kynferðisofbeldi. Nær öruggt er talið að sami maður sé að verki og fyrir hálfum mánuði þegar ráðist var á unga stúlku á svipaðan hátt.

Bundið var fyrir augu þeirra þannig að þær gátu ekki lýst ódæðismanninum að öðru leyti en því að hann væri á rauðum bíl. Nú síðdegis herti lögreglan enn leitina þegar skólabörn tilkynntu að þau hefðu séð á eftir bekkjarsystur sinni upp í rauðan bíl, óvíst er þó hvort illvirkinn hafi aftur látið til skarar skríða.

Ertu með athugasemd vegna fréttarinnar? Sendu á frettir@ruv.is

Tilkynna um bilaða upptöku