Læti á danska þinginu
Fyrst birt: 05.02.2012 21:41, Síðast uppfært: 05.02.2012 21:41
Kristjánsborgarhöll í Kaupmannahöfn, danska þinghúsið. Mynd: Shutterstock.
Nýbakaðir þingmenn í Danmörku telja að þingmenn þar í landi hegði sér eins og ódæl leikskólabörn í umræðum. Þeir tali ótuktarlega hver til annars og leggi samstarfsmenn í einelti eins og örgustu hrekkjusvín.
Nýliðum í Kristjánsborgarhöll líst ekki á blikuna og þeir undrast oft samskipti þingmanna sem einkennist oftar en ekki af fullmikilli hörku. Mogens Lykketoft, forseti þingsins segir allt of mikið um páfagaukagarg og lýðskrum í þingsalnum. Almenningur í Danmörku er þreyttur á orðaskakinu. En hluti þingmanna segir þetta ekki sanngjarnt. Í þinginu sé tekist á um alvörumál.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
