Keflavík vann ÍBV í Eyjum
Fylkismenn unnu Val á Hlíðarenda í kvöld - Mynd: Eva Björk
16. umferð úrvalsdeildar karla í knattspyrnu hófst í kvöld með fjórum leikjum.
Selfoss sigraði Grindavík 4-0 suður með sjó. Jón Daði Böðvarsson, Jon André Röyrane, Tómas Leifsson og Viðar Örn Kjartansson skoruðu mörk Selfyssinga.
Keflavík lagði ÍBV 1-0 á Hásteinsvelli í Vestmannaeyjum. Guðmundur Steinarsson skoraði sigurmark Keflvíkinga snemma í fyrri hálfleik.
Fylkir vann Val 2-1 á Hlíðarenda. Elís Rafn Björnsson skoraði fyrir Fylki auk þess sem Jónas Tór Næs, leikmaður Vals, skoraði sjálfsmark en Rúnar Már S. Sigurjónsson gerði mark Vals.
Þá vann Fram 3-2 heimasigur á Breiðabliki á Laugardalsvelli. Hólmbert Aron Friðjónsson, Kristinn Ingi Halldórsson og Almarr Ormarsson skoruðu fyrir Framara en Arnar Már Björgvinsson og Nichlas Rohde gerðu mörk Blika.
Umferðinni lýkur með tveimur leikjum á fimmtudag en þá mætast FH og KR í Kaplakrika og ÍA tekur á móti Stjörnunni á Akranesi.
Ertu með athugasemd vegna fréttarinnar? Sendu á frettir@ruv.is
