Katrín kærir myndbirtingu
Fyrst birt: 14.09.2012 17:05, Síðast uppfært: 14.09.2012 18:06
Katrín hertogaynja af Cambridge. Mynd: NordicPhotos/AFP.
Katrín, hertogaynjan af Cambrigde, og eiginmaður hennar Vilhjálmur hertogi hafa ákveðið að kæra franska tímaritið Closer fyrir að birta myndir af Katrínu berbrjósta. Myndirnar voru teknar af hjónunum þegar þau voru í sumarfríi í Frakklandi.
Tímaritið er kært fyrir að brjóta gegn friðhelgi einkalífsins. Ritstjóri Closer segir að parið hafi sést utan af götu. Myndirnar séu auk þess ekkert til að hneykslast yfir, á þeim megi sjá Katrínu njóta sólarinnar berbrjósta eins og megi sjá milljónir annarra kvenna gera á sólarströndum. Talsmaður bresku konungsfjölskyldunnar segir Vilhjálm og Katrínu vera miður sín vegna myndbirtingarinnar og að ekkert geti réttlætt hana.
Ertu með athugasemd vegna fréttarinnar? Sendu á frettir@ruv.is
