Jamaíkumenn unnu þrefalt í 200 m
Fyrst birt: 09.08.2012 20:07, Síðast uppfært: 09.08.2012 20:21
Usain Bolt er Ólympíumeistari í 200 metra hlaupi - Mynd: AFP
Jamaíkumaðurinn Usain Bolt tryggði sér gullverðlaunin í 200 metra hlaupi á Ólympíuleikunum í Lundúnum í kvöld þegar hann kom fyrstur í mark á tímanum 19,32 sekúndum. Bolt varð þar með fyrstur til þess að vinna bæði 100 og 200 metra hlaup á tvennum Ólympíuleikum í röð.
Landi hans Yohan Blake varð annar á tímanum 19,44 sekúndum og hreppti silfrið en Warren Weir, einnig frá Jamaíku, kom þriðji í mark á tímanum 19,84 sekúndum og hlaut bronsverðlaun.
Ertu með athugasemd vegna fréttarinnar? Sendu á frettir@ruv.is
