Jakob Örn með 30 stig í kvöld

Fyrst birt: 07.02.2012 21:23, Síðast uppfært: 07.02.2012 22:21

Jakob Örn skoraði 30 stig fyrir Sundsvall í kvöld

Jakob Örn Sigurðarson skoraði 30 stig fyrir Sundsvall Dragons sem vann ecoÖrebro með 12 stiga mun 92-80 í sænsku úrvalsdeildinni í körfuknattleik í kvöld. Hlynur Bæringsson skoraði 12 stig fyrir liðið og tók 7 fráköst en Pavel Ermolinskij er enn frá vegna meiðsla.

Logi Gunnarsson skoraði 8 stig fyrir Solna Vikings í 14 stiga sigri liðsins á Uppsala Basket 88-74 og Jämtland, lið Brynjars Þór Björnssonar, tapaði naumlega fyrir Norrköping Dolphins 81-83 en Brynjar skoraði 10 stig og tók 3 fráköst í leiknum.

Þá skoraði Helgi Már Magnússon 4 stig og tók 8 fráköst fyrir Stockholm 08 sem beið lægri hlut fyrir LF Basket 85-79.

Ertu með athugasemd vegna fréttarinnar? Sendu á frettir@ruv.is

Til baka