Hótelgestir fá í skóinn
Fyrst birt: 21.12.2012 13:34, Síðast uppfært: 21.12.2012 13:34
Mynd: Rúv
Komið hefur í ljós að íslensku jólasveinunum er ekki aðeins umhugað um börnin á Íslandi því borið hefur á því undanfarin ár að fyrir jólin, bíði gesta á nokkrum hótelum í Reykjavík glaðningur í jólasokk sem að morgni dags hangir á hurðahúni hótelherbergisins.
Í sokknum er gjarnan lítil gjöf eins og epli, mandarínur, kerti og spil. Geta má sér þess til að jólasveinar séu farnir að stunda tungumálanám á sumrum því í pokunum eru einnig upplýsingar um þá á nokkrum tungumálum.
Ertu með athugasemd vegna fréttarinnar? Sendu á frettir@ruv.is
