Hlutabréf í methæðum

15.05.2017 - 21:29
epa05769349 A man types on a laptop computer keyboard in Taipei, Taiwan, early 04 February 2017. On 03 Feburary 2017, five Taiwan security companies suffered distributed Denial -of-service (DDoS) attacks from an anonynous hacker who demanded each firm to
 Mynd: EPA
Verðmæti fyrirtækja sem skráð eru í S&P 500 og Nasdaq hefur aldrei verið meira en við lok viðskipta í dag. Vísitölurnar hækkuðu um hálft prósent í dag og er hækkunin að mestu rekin til tíðinda af olíumörkuðum. Þó hafði það áhrif til hækkunar að verðmæti nokkurra fyrirtækja sem sérhæfa sig í tölvuöryggismálum hækkaði verulega vegna Wannacry tölvuvírussins sem gengið hefur ljósum logum um heimsbyggðina frá því fyrir helgi.

Rússar og Sádí Arabar hvöttu í dag sameiginlega til þess að haldið yrði áfram viðræðum um að halda aftur af olíuframleiðslu fyrir fund OPEC-ríkja sem haldin verður undir lok mánaðarins. Þau tíðindi höfðu jákvæð áhrif á verðmæti fyrirtækja í olíuiðnaði. 

Brynjólfur Þór Guðmundsson
Fréttastofa RÚV