Hárlokkur Dorritar boðinn upp
Fyrst birt: 14.09.2012 17:21, Síðast uppfært: 14.09.2012 18:07
Dorrit Moussaieff forsetafrú og Ólafur Ragnar Grímsson forseti.
Uppboð í tengslum við söfnunina Á allra vörum er nú í gangi á Rás 2 og meðal annars er hægt að bjóða í hárlokk af höfði Dorritar Moussaieff forsetafrúar. Uppboðinu lýkur í kvöld í sjónvarpsþætti söfnunarinnar.
Ragna Fossberg, förðunarmeistari RÚV, klippir lokkinn úr hári Dorritar í beinni sjónvarpsútsendingu í kvöld. Nú þegar hafa 500 þúsund krónur verið boðnar í lokkinn.
Einnig var boðin upp lopapeysa í fánalitunum og húfa í stíl í eigu Gísla Einarssonar. Hæsta boð í flíkurnar var 70 þúsund. Því uppboði er lokið.
Áhugasamir geta boðið í lokkinn með því að senda tölvupóst á netfangið 123@ruv.is eða með því að hringja í söfnunarsímann 7555000.
Ertu með athugasemd vegna fréttarinnar? Sendu á frettir@ruv.is
