Hætt við tökurnar við Gróttu
Ben Stiller missir af því stórkostlega tækifæri að koma á land við Gróttu. Mynd: Nordic Photos/AFP.
Leikstjóri myndarinnar The Secret Life of Walter Mitty hefur hætt við að taka upp hópatriði við Gróttu þar sem draumóramaðurinn Walter Mitty átti að koma siglandi að landi og lenda í hópi 100 þríþrautarmanna á leið í land. Stiller missir af því stórkostlegu tækifæri að dýfa sér í Atlantshafið.
Ben Stiller í hlutverki Walter Mittys átti að synda með þríþrautarfólkinu upp í fjöruna, ræna reiðhjóli af keppanda og hjóla til Þingvalla eins og segir á bloggsíðu Gísla Ásgeirssonar. Upphaflega áætlunin gekk út á að hafa 100 menn í blautbúningum og svipaðan fjölda af reiðhjólum í landi fyrir tökurnar. Nú hefur fengist staðfest hjá Eskimo að hætt hefur verið við að taka atriðið upp hér á landi.
Ertu með athugasemd vegna fréttarinnar? Sendu á frettir@ruv.is
