Hælisleitandi hótaði að kveikja í sér

29.02.2016 - 20:57
Mynd með færslu
 Mynd: Rögnvaldur Már Helgason  -  RÚV
Lögreglan á höfuðborgarsvæðinu var kölluð út ásamt slökkvi- og sjúkraliði vegna hælisleitanda sem hótaði að kveikja í sér. Maðurinn dvelur ásamt fleirum við Arnarholt á Kjalarnesi.

Morgunblaðið greindi fyrst frá. 

Valgarður Valgarðsson aðalvarðstjóri hjá lögreglunni á höfuðborgarsvæðinu segir að lögregla hafi náð að hindra að maðurinn ylli sjálfum sér skaða. Lögreglan fer nú með rannsókn málsins.

Að sögn vakthafandi varðstjóra hjá slökkviliði höfuðborgarsvæðisins var slökkvilið og sjúkralið kallað út til öryggis. Útkallið kom rétt eftir klukkan átta í kvöld. Ástandið var tryggt á staðnum um fimmtán mínútum síðar, og kom ekki til þess að nýta þyrfti aðstoð slökkvi- né sjúkraliðs. 


Deila frétt



Mynd með færslu
Alma Ómarsdóttir
Fréttastofa RÚV
29.02.2016 - 20:57