Gallsteinar afa Gissa - jólaleikrit í 5 þáttum

24.12.2016 - 15:00
Mynd með færslu
 Mynd: RÚV
Jólaleikrit Útvarpsleikhússins að þessu sinni er Gallsteinar afa Gissa, yfirnáttúrlegt fjölskylduleikrit í fimm þáttum, byggt á samnefndri bók eftir Kristínu Helgu Gunnarsdóttur sem kom út árið 2002. Kristín Helga hefur skrifað fjölmargar barnabækur sem notið hafa mikilla vinsælda, má þar nefna bækurnar um Fíusól, Binnu og Móa hrekkjusvín.

Fyrsti þáttur af fimm verður á dagskrá á aðfangadag kl 15:00. Næstu þættir verða fluttir á jóladag, annan í jólum og svo 27. og 28. desember. Hér fyrir neðan eru hins vegar allir þættirnir aðgengilegir í streymi.

Gallsteinar Afa Gissa - 1. þáttur
Gallsteinar Afa Gissa - 2. þáttur
Gallsteinar Afa Gissa - 3. þáttur
Gallsteinar Afa Gissa - 4. þáttur
Gallsteinar Afa Gissa - 5. þáttur

Foreldrar systkinanna Grímu og Torfa vinna bæði mikið, auk þess er mamman með heilsuæði og pabbinn utan við sig í meira lagi. Systkinin eiga einn bróður sem þau kalla unglingsskrímslið þar sem hann er á gelgjuskeiði. Dag einn endar afi þeirra á spítala eftir að hafa fengið gallsteina. Systkinin heimsækja hann og kvarta undan heimilishaldinu, afinn lánar þeim gallsteinana sem hann geymir í krukku, að hans sögn eru þeir galdrasteinar sem gætu mögulega breytt ástandinu.

Krakkarnir prófa að óska sér og morguninn eftir þegar þau vakna er allt orðið breytt, foreldrar þeirra orðnir kærulausir, leyfa þeim að sleppa við skóla, gefa þeim nammi í matinn og pabbi þeirra sem aldrei leit upp úr blöðum er orðinn ofvirkur og algjör íþróttafrík og unglingsskrímslið horfið eins og það hafi aldrei verið til - en hundur kominn í staðinn. Þetta hljómar auðvitað mjög vel en þegar á líður taka að renna á þau tvær grímur.

Leikgerð: Kristín Helga Gunnarsdóttir og Vigdís Jakobsdóttir

Tónlist: Jónas Sigurðsson

Hljóðvinnsla: Einar Sigurðsson

Leikstjórn: Vigdís Jakobsdóttir

Persónur og leikendur

Gríma:                          Thea Snæfríður Kristjánsdóttir

Torfi:                             Óðinn Sastre Freysson

Mamma:                       Katla Margrét Þorgeirsdóttir

Pabbi:                           Þorsteinn Bachmann

Afi Gissi:                       Jóhann Sigurðarson

Bogga blákolla:           Ragnheiður Steindórsdóttir

Úlfur:                            Dagur Jakobsson

Vinur Úlfs:                    Sverrir Gauti Svavarsson

Berta:                            Matthildur Björnsdóttir

Læknir:                         Aude Busson

Jón granni:                   Baldur Trausti Hreinsson

Páfagaukur:                 Þór Tulinius

Elsa kennari:                Arndís Hrönn Egilsdóttir

Svala félagsráðgjafi:   María Heba Þorkelsdóttir

Eiríkur
umsjónarkennari:       Agnar Jón Egilsson

Kristófer skólastjóri:   Valur Freyr Einarsson

Snjólfur yfirmaður:     Þór Tulinius

Pítsasendill:                 Arnar Dan

Lögreglukona:             Vigdís Másdóttir

Lögreglumaður:          Arnar Dan

Mynd með færslu
Þorgerður E. Sigurðardóttir
dagskrárgerðarmaður
Útvarpsleikhús