Franska konan fundin
Fyrst birt: 18.08.2012 21:54, Síðast uppfært: 21.08.2012 14:56
Flokkar: Innlent
Björgunarsveitarmaður fann franska konu sem datt í klettum í fjallgöngu við Geitfell í kvöld. Svæðið er erfitt yfirferðar og tók það björgunarsveitarmanninn klukkutíma að komast að konunni. Hún var með síma og hafði verið í sambandi við björgunarfólkið.
Þegar konan hringdi á hjálp sagðist hún hafa meiðst á höfði en ekki er vitað hvað hún er slösuð mikið. Þyrlan sótti konuna og verður farið með hana á sjúkrahús í Reykjavík.
Lögreglumenn og björgunarsveitarmenn hafa sótt konu sem brotnaði á hægri ökkla við göngu í Brynjudal seinni partinn í dag. Búið er að koma konunni í sjúkrabíl og verður farið með hana á sjúkrahús.
Ertu með athugasemd vegna fréttarinnar? Sendu á frettir@ruv.is
