Forseti Mjanmar hyggst stýra valdaskiptunum

13.02.2016 - 09:42
Erlent · Asía · Mjanmar · Stjórnmál
epa05025992 Myanmar president Thein Sein looks on as he attends a meeting of government officials and political parties at Yangon parliament building, in Yangon, Myanmar, 15 November 2015. Myanmar President Thein Sein and government officials met with
 Mynd: EPA
Thein Sein, fráfarandi forseti Mjanmar, hefur aflýst ferð til Bandaríkjanna í næstu viku, þar sem hann vill verða viðstaddur þegar ný ríkisstjórn Aung San Suu Kyi tekur við völdum. Forsetinn hugðist sitja leiðtogafund ASEAN, samtaka Suðaustur-Asíuríkja. Þau hafa einmitt beitt sér einarðlega fyrir lýðræðisumbótum í Mjanmar á síðustu árum.

 

AFP fréttastofan hefur eftir yfirmanni forsetaskrifstofunnar að Thein Sein vilji að valdaskiptin gangi snurðulaust. Hann hafi því ákveðið að vera viðstaddur og sjá til þess að svo verði.

Aung San Suu Kyi og samherjar hennar unnu stórsigur í þingkosningunum í Mjanmar í desember. Nýtt þing kom saman fyrir hálfummánuði. Enn er ekki vitað hver verður næsti forseti landsins. Aung San Suu Kyi er ekki gjaldgeng lögum samkvæmt, þar sem hún var gift útlendingi. Nýr forseti verður ekki tilnefndur fyrr en í næsta mánuði.

 


Deila frétt



Mynd með færslu
Ásgeir Tómasson
Fréttastofa RÚV
13.02.2016 - 09:42
Erlent · Asía · Mjanmar · Stjórnmál