Flutningaskip sökk á Svartahafi

19.04.2017 - 08:33
epa01185636 YEARENDER 2007 JUNE  Huge waves pound the coast at Coalcliff in the Illawarra near Wollongong, 20 June 2007. A large low pressure system off the east coast of Australia has caused massive seas and high winds between the Victorian and
 Mynd: EPA  -  AAP
Flutningaskip með 12 manna áhöfn sökk á Svartahafi í nótt, undan strönd Rússlands. Einum skipverja hefur verið bjargað. Vont veður hefur hins vegar torveldað leit.

Rússnesk yfirvöld og fjölmiðlar segja að skipið hafi líklega sokkið um klukkan hálf eitt í nótt að íslenskum tíma. Um borð hafi verið níu Úkraínumenn, tveir Rússar og Georgíumaður. Skipið hafi siglt undir fána Panama og verið að flytja korn frá Rússlandi til Tyrklands.

Rússnesk yfirvöld segja rannsókn á atburðinum meðal annars beinast að því hvort lög um öryggi í skipaflutningum hafi verið brotin og hvort skipið hafi sokkið af þeim sökum.

Fréttin hefur verið uppfærð.

Kristján Róbert Kristjánsson
Fréttastofa RÚV