Fjör í Tennishöll Kópavogs
Fyrst birt: 04.03.2013 20:08, Síðast uppfært: 04.03.2013 20:08
Það var líf og fjör í Tennishöllinni í Kópavogi í dag - Mynd: heimasíða Klettaskóla
Alþjóðlegi tennisdagurinn var haldinn í dag en markmiðið með deginum er að koma tennis á framfæri og auka þátttöku ungra tennisspilara út um allan heim.
Mikið var um að vera í Tennishöllinni í Kópavogi í tilefni dagsins en þar var hópur nemenda úr Klettaskóla í Reykjavík í boði Tennissambands Íslands ásamt ungu landsliðsfólki á vegum sambandsins sem sýndu íþrótt sína, leiðbeindu og tóku þátt í æfingum og leikjum með nemendum Klettaskóla. Luigi Bartolozzi, tenniskennari og starfsmaður Klettaskóla, stýrði dagskránni sem þótti takast vel og lauk góðum degi með því að allir fengu pítsur og gos.
Ertu með athugasemd vegna fréttarinnar? Sendu á frettir@ruv.is
