Fjármálalæsi batnar á öllum sviðum

18.01.2016 - 21:40
Þekking, viðhorf og hegðun Íslendinga í fjármálum hefur verið rannsökuð þrisvar frá árinu 2008. Niðurstaðan er sú að fjármálalæsi fari stöðugt batnandi hérlendis. Tvöfalt fleiri halda heimilisbókhald, en áhugavert er að sjá að ekki virðist vera beint samband milli þekkingar og hegðunar.

Stofnun um fjármálalæsi og sálfræðisvið viðskiptadeildar Háskólans í Reykjavík gerðu rannsóknina, en spurningalistar voru lagðir fram í desember árin 2008, 2011 og 2014. Í síðustu könnun skoruðu þátttakendur hærra að meðaltali á öllum þáttum fjármálalæsis: þekkingu, viðhorfum og hegðun. Íslenskir þátttakendur komu einnig vel út ef miðað er við niðurstöður sambærilegra kannana í 14 OECD ríkjum árið 2012.

Ýmislegt hefur verið gert til að bæta fjármálalæsi undanfarið og segir Breki Karlsson, forstöðumaður Stofnunar um fjármálalæsi, að með því að kenna það bæði í grunn- og framhaldsskólum hafi mikil breyting orðið. 

 

Það er nauðsynlegt að halda áfram að hlúa að og efla fjármálalæsi, sérstaklega þegar kemur að því að breyta viðhorfum og þar með hegðun.“ 


Deila frétt



18.01.2016 - 21:40