Erill í Vestmannaeyjum vegna skemmtana
Fyrst birt: 03.08.2012 06:19, Síðast uppfært: 03.08.2012 08:02
Nokkur erill var hjá lögreglunni í Vestmannaeyjum í nótt vegna skemmtanahalds í aðdraganda Þjóðhátíðar, sem verður sett í dag, föstudag.
Að sögn lögreglu voru nokkrir færðir á lögreglustöð vegna ölvunar, óspekta og minniháttar líkamsárása. Í nótt var haldinn árlegur dansleikur, svokallað Húkkaraball, í Týsheimilinu við Hásteinsvöll.
Í Reykjavík var nóttin róleg, að sögn lögreglu.
Ertu með athugasemd vegna fréttarinnar? Sendu á frettir@ruv.is
