Endeavour komin á áfangastað

Mynd með færslu
Bandaríska geimferjan Endeavour komst loks í kvöld á áfangastaðinn vísindasafn í Los Angeles þar sem hún verður eftirleiðis til sýnis.

Geimferjan var flutt flugleiðis til alþjóðaflugvallarins í Los Angeles í síðasta mánuði. Það tók svo þrjá daga að flytja geimferjuna innan við 20 kílómetra leið í gegnum borgina. Gera varð ítrekað hlé á ferðalaginu vegna bygginga, raflína og trjáa sem sneiða varð hjá og sums staðar munaði aðeins fáeinum sentimetrum. Áður var búið að fella um 400 tré meðfram akstursleiðinni.