Eldur í Eikjuvogi
Fyrst birt: 06.02.2012 21:26, Síðast uppfært: 06.02.2012 22:12
Frá vettvangi í Eikjuvogi í kvöld.
Engan sakaði þegar eldur kom upp í íbúðarhúsi við Eikjuvog í Reykjavík á áttunda tímanum í kvöld.
Slökkviliði höfuðborgarsvæðisins barst fyrst tilkynning um reyk í herbergi og skömmu síðar varð ljóst að eldur var laus í húsinu. Tveir dælubílar og þrír sjúkrabílar voru sendir á vettvang. Tveir íbúar í húsinu forðuðu sér út. Þeir fengu aðhlynningu en voru ómeiddir að sögn slökkviliðsins. Greiðlega gekk að slökkva eldinn og reykræsta húsið sem er nokkuð skemmt af völdum elds, reyks og vatns.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
