Einar Daði fer vel af stað á EM
Fyrst birt: 27.06.2012 11:41, Síðast uppfært: 27.06.2012 13:23
Einar Daði Lárusson úr ÍR byrjar vel í tugþrautakeppninni á Evrópumótinu í frjálsíþróttum í Finnlandi.
Þremur greinum er nú lokið en Einar Daði setti persónuleg met í kúluvarpi og 100 metra spretthlaupi og þá hafnaði hann í fimmta sæti í langstökki. Einar er í áttunda sæti eftir þrjár fyrstu greinarnar en nú stendur yfir keppni í hástökki og deginum lýkur svo á 400 metra hlaupi. Kúluvarparinn Óðinn Björn Þorsteinsson var hins vegar langt frá sínu besta í undanúrslitum í kúluvarpi í morgun og er úr leik í Helsinki.
Ertu með athugasemd vegna fréttarinnar? Sendu á frettir@ruv.is
