Dögun meistari fimmta árið í röð
Fyrst birt: 19.08.2012 08:59, Síðast uppfært: 19.08.2012 11:07
Flokkar: Íþróttir
Dögun er fimmfaldur Íslandsmeistari
Áhöfnin á Dögun varð Íslandsmeistari í kjölbátasiglingum fimmta árið í röð eftir sigur á Íslandsmótinu sem lauk í gær en siglt var á Skerjafirði og var mótið í umsjá Ýmis.
Tvær umferðir voru sigldar á föstudag og voru bátarnir Dögun og Xena jafnir og efstir að þeim loknum en báðir bátar sigla fyrir siglingaklúbbinn Brokey. Dögun vann svo allar fjórar umferðirnar í gær og tryggði sér öruggan sigur á mótinu en Xena hafnaði í öðru sæti.
Verðlaunaafhending verður í dag klukkan 16.00 í félagsheimili Ýmis.
Heildarúrslit má sjá hér.
Ertu með athugasemd vegna fréttarinnar? Sendu á frettir@ruv.is
