Brasilíumenn lögðu Breta
Fyrst birt: 20.07.2012 22:49, Síðast uppfært: 20.07.2012 22:49
Úr leik liðanna í kvöld - Mynd: AFP
Brasilíumenn sigruðu Breta 2-0 í æfingaleik á Riverside vellinum í Middlesbrough í kvöld. Sandro kom Brasilíu yfir með marki á 12. mínútu og Neymar jók forystu liðsins þegar hann skoraði úr vítaspyrnu á 35. mínútu. Fleiri urðu mörkin ekki og lokatölur því 2-0 gestunum í vil.
Bæði lið undirbúa sig nú fyrir keppni á Ólympíuleikunum sem hefjast í London í næstu viku.
Ertu með athugasemd vegna fréttarinnar? Sendu á frettir@ruv.is
