Boston yfir í einvíginu

Boston vann í gærkvöldi 94-90 útisigur og vantar nú aðeins einn sigur til að tryggja sér sæti í úrslitunum þar sem mótherjinn verður annað hvort San Antonio Spurs eða Oklahoma City Thunder. Að loknum fyrsta fjórðungi í leiknum í gær var staðan 24-16, Miami í vil, en Chris Bosh kom aftur inn í liðið eftir meiðsli. Í hálfleik var staðan 40-42.

Miami bætti svo við forskot sitt í síðari hálfleik og náði mest níu stiga forskoti. En lið Boston var ekki af baki dottið, Rajon Rondo var þeim mikilvægur og átti þrettán stoðsendingar en stigahæstur var Kevin Garnett með 26 stig og 11 fráköst. LeBron James skoraði 30 stig fyrir Miami.

Úrslitin réðust þegar Paul Pierce skoraði þriggja stiga körfu þegar tæp mínúta var eftir af leiknum og breytti stöðunni í 90-86. Kevin Garnett gulltryggði svo sigurinn af vítalínunni í lokin.