Bjerringbro-Silkeborg inn fyrir AG
Fyrst birt: 02.08.2012 19:58, Síðast uppfært: 02.08.2012 19:58
Evrópska handknattleikssambandið hefur ákveðið að Bjerringbro-Silkeborg, sem Guðmundur Árni Ólafsson leikur með, taki sæti AG Kaupmannahafnar í C-riðli Meistaradeildar Evrópu á næstu leiktíð. Ákvörðunin er tekin í ljósi þess að lið AG hefur nú verið tekið til gjaldþrotaskipta.
Tveir íslenskir leikmenn spila með AG, landsliðsmennirnir Arnór Atlason og Snorri Steinn Guðjónsson.
Bjerringbro-Silkeborg hafnaði í öðru sæti dönsku deildarinnar á síðustu leiktíð.
Ertu með athugasemd vegna fréttarinnar? Sendu á frettir@ruv.is
