Bátar skemmast í ís í Belgrad
Fyrst birt: 20.02.2012 14:03, Síðast uppfært: 20.02.2012 14:06
Dóná ísilögð í Belgrad, höfuðborg Serbíu. Mynd:AFP
Ís, sem brotnað hefur á Dóná eftir kuldakastið þar á dögunum, hefur valdið talsverðu tjóni á bátum og skipum í Belgrad, höfuðborg Serbíu. Ekki er vitað um mannskaða, en þorri þeirra um 100 báta og skipa sem þar voru við hafnarbakka hafa orðið fyrir skemmdum og nokkrir eyðilagst.
Dóná lokaðist að mestum hluta vegna íss í kuldakastinu, en ísinn fór að brotna upp í gær og hefur mikið íshröngl safnast upp í Belgrad.
Ertu með athugasemd vegna fréttarinnar? Sendu á frettir@ruv.is
