Bambaló - Ófelía

09.01.2017 - 10:03
Plata vikunnar Bambaló - +Ofelía
 Mynd: Doddi  -  Kristjana Stefáns
Plata vikunnar á Rás 2. Platan Ófelía hefur verið á teikniborðinu í mörg ár en aldrei verið rétti tíminn fyrr en núna. Tónlistin er öll eftir mig og á ég líka helminginn af textunum en hinn helmingin á Bergur Þór Ingólfsson vinur minn, leikari og leikstjóri.

 

Ný tónlist eftir Kristjönu Stefáns/Bambaló

Við Bergur höfum unnið mikið saman við að búa til leiksýningar undanfarin ár og heillaðist ég mikið af Ófelíu sem er persóna úr einum af sýningunum okkar. Hún þarf að glíma við erfiða hluti svo sem vanrækslu og rof af ýms

 

Það kom engin annar til greina en virtúósinn Daði Birgisson þegar svo kom að því að vinna plötuna. En saman tókum við listrænar ákvarðanir er varðar hljóm og útsetningar en hann á heiðurinn af upptökunum og hljóðblönduninni. Með okkur er svo einvala lið af stórkostlegum listamönnum sem að eiga stóran part í að gera plötuna einstaka í mínum huga. Platan er í senn mjög persónuleg og byrjun á einhverju glænýju fyrir mig þar sem að hún eftir mig sjálfa og hún er Adult Alternative/Contemporary pop í stað þess að vera jazz/blues sem ég er svo vön að eiga við.

 

Kristjana Stefáns nóvember 2016

 

Ófelía með Bambaló

Öll tónlist eftir Kristjönu Stefáns nema lag og texti So Wrong

eftir Jackie Allen/Bill Anschell

 

Textar á ensku eftir Kristjönu Stefáns

Textar á íslensku eftir Berg Þór Ingólfsson

 

Útsetningar Kristjana Stefáns

Pródúsjón Kristjana Stefáns og Daði Birgisson

Upptaka, upptökustjórn og hljóðblöndun Daði Birgisson

Mastering Mandy Parnell

 

Útgefandi Dimma 2016

 

Kristjana Stefáns:

Söngur, raddir, píanó, Rhodes píanó og Moog hljóðgerfill

Daði Birgisson:

Bassi, Syntabassi, lúppur og hljóðgerflar

Daníel Helgason:

Gítarar og effektar

Kristinn Snær Agnarsson:

Trommur, slagverk og lúppur: 

Impress the boy, For All Time, Charlie, So Wrong, Secret Place, Snjókornið.

Bassi Ólafsson:

Trommur, slagverk og lúppur: 

I Would Run Away, Dásamlega drenginn minn, Dauði Ófelíu, Hvar varstu?

 

Pétur Sigurðsson:

Kontrabassi í Impress The Boy

Arnar Guðjónsson (Leaves):

Söngur í For all time

Svavar Knútur:

Raddir í For all time, Dauði Ófelíu and I would run away with you again

 

 

 

 

Kór í Faðmlag:

Gísli Stefánsson, Gunnar Freyr Stefánsson, Sara Blandon, Guðlaug Dröfn Ólafsdóttir, Soffía Stefánsdóttir, Kristinn Snær Agnarsson, Tinna Kristjánsdóttir, Kristín Stefánsdóttir, Gísli Magna, Ansgar Bruno Jones, Pálmi Steingrímsson, Hrefna Ósk Benediktsdóttir, Anna Sóley Ásmundsdóttir, Jón Ívars og Guðlaug Elísabet Bóasdóttir

Raddir í Faðmlag:

Guðlaug Dröfn Ólafsdóttir, Soffía Stefánsdóttir

Kvartett í Faðmlag:

Bergur Þór Ingólfsson, Kristjana Stefáns, Kristín Þór Haraldsdóttir og Maríanna Clara Lúthersdóttir.

 

 

Hljóðritun fór fram í apríl og maí 2016 í Stúdíó Kolgeit í Reykjavík

Hljóðblöndun gerð í Stúdíó Brávallagata júlí og ágúst 2016

Mastering gerð í Black Saloon Studios í London í september 2016

 

 

Kristjana Stefáns

hefur verið leiðandi tónlistarkona í íslenskri jazz og spunatónlist um árabil. Vorið 2000 lauk hún með láði námi í jazzsöng frá Konunglega Listaháskólanum í Haag í Hollandi. Hún hefur síðan hljóðritað bæði í eigin nafni og sem gestasöngvari og komið reglulega fram í útvarpi, sjónvarpi og á tónleikum, bæði hérlendis og erlendis. Fyrsta geislaplata Kristjönu, Ég verð heima um jólin, með Kvartett Kristjönu Stefáns kom út 1996 en þar eru engir ómerkari gestasöngvarar en Páll Óskar Hjálmtýsson og Emilíana Torrini.  Kristjana starfar reglulega með Stórsveit Reykjavíkur og hefur unnið með stjórnendunum á borð við Daniel Nolgard og Ole Kock Hansen. Hún starfar einnig reglulega með Svavari Knút, Daða Birgissyni, Ragnheiði Gröndal og Kjartani Valdemarssyni. Kristjana hefur nokkrum sinnum verið tilnefnd til Íslensku tónlistarverðlaunanna fyrir plötur sínar sem telja langt á annan tug. Undanfarin ár hefur Kristjana unnið sem tónskáld og ljáð trúðnum Bellu líf í Borgarleikhúsinu í Reykjavík og þar hefur hún unnið aðalega með Bergi Þór Ingólfssyni í að frumsemja ný leikverk. Kristjana leikur, samdi tónlistina og er tónlistarstjóri í sýningunum Jesús litli, sem vann Grímuverðlaunin sem sýning og handrit ársins árið 2009 og er enn í sýningu, Hamlet litli, sem vann Grímuna sem Barnasýning ársins 2013 og í Sókrates 2015. Kristjana var líka tilnefnd til Grímunar fyrir tónlist sína í Jésús Litla.  Einnig tónlistarstýrði Kristjana sýningunum Dauðasyndirnar árið 2008 og Galdrakarlinum í Oz árið 2011 í Borgarleikhúsinu.  Kristjana samdi tónlistina í söngleiknum Blái hnötturinn eftir Andra Snæ Magnason í leikgerðar Bergs Þórs Ingólfssonar, sýnd í Borgarleikhúsinu 2016.

 

Daði Birgisson

hefur starfað sem upptökustjóri, multi hljóðfæraleikari, tónskáld, hljóðblandari og útsetjari síðastliðin 19 ár. Hann hlaut íslensku tónlistarverðlaunin 2015 fyrir hljómplötu ársins og lag ársins með hljómsveit sinni Mono Town. Hann samdi tónlistina í heimildarmyndinni Óli Prik Þroskasaga Þjóðhetju ásamt félögum sínum í Mono Town. Daði stofnaði hljómsveitina Jagúar og hlaut með henni Íslensku tónlistarverðlaunin. Hann sá um hljómsveitarstjórn á uppfærslu Borgarleikhússins á Jesus Christ Superstar og hljóðsetti m.a. DVD útgáfu af uppfærslu Vesturports og Nick Cave á Woyzeck og einnig sem upptökustjóri og útsetjari fyrir tónlistina í söngleiknum Blái hnötturinn sem frumsýnd var í Borgarleikhúsinu í september 2016.

 

Daði hefur komið fram og hljóðritað með Bubba Morthens, Megasi, Baggalúti, Bang Gang, Kristjönu Stefánsdóttir, Snorra Helgasyni, Stuðmönnum, Páli Rósinkranz, Páli Óskari og Sinfóníuhljómsveit Íslands ásamt fjölda annarra. Hann hefur einnig séð um tónlistarstjórn á ýmsum viðburðum, s.s 100 ára afmæli Eimskipa í Hörpu. Daði hefur einnig verið tónlistarráðgjafi í ýmsum verkefnum meðal annars fyrir RÚV.

 

 

 

 

Umslag:

Forsíðumynd úr einkasafni

Ljósmynd á innsíðu Grímur Bjarnason

Förðun Fríða María Harðardóttir

Stílisti Margrét Einarsdóttir

Hönnun Gunnar Víðir Þrastarson

 

Mynd með færslu
Þórður Helgi Þórðarson
dagskrárgerðarmaður
Plata vikunnar