Árshátíð Vatnsveitunnar

05.01.2017 - 13:11
Mynd með færslu
 Mynd: RÚV
Í húsi þeirra Hreiðars og Magneu eru gamlar pakkningar farnar að gefa sig. Þrýstingurinn virðist færast í aukana, engin hemja hve víða lekur meðfram. Og það er sama hve fast Hreiðar herðir að samskeytum með rörtönginni, það er engu líkara en að allt kerfið muni láta undan þá og þegar. Hreiðar er mjög áhyggjufullur. Magnea reynir að leiða vandann hjá sér enda stendur árshátíð Vatnsveitunnar fyrir dyrum og hún vill að þau hjón taki þátt í gleðskapnum ...

Laugardaginn 7. janúar flytur Útvarpsleikhúsið leikritið Árshátíð Vatnsveitunnar eftir Gunnar Gunnarsson í leikstjórn Guðmundar Inga Þorvaldssonar. Um hljóðsvinnslu sér Einar Sigurðsson.

Í aðalhlutverkum: Hjalti Rögnvaldsson og Lilja Guðrún Þorvaldsdóttir
Aðrir leikendur: Brynhildur Björnsdóttir, Erling Jóhannesson, Erlendur Eiríksson og Margrét Sverrisdóttir.

Árshátíð Vatnsveitunnar var frumflutt í október 2013. 

Mynd með færslu
Þorgerður E. Sigurðardóttir
dagskrárgerðarmaður
Útvarpsleikhús