Alfreð og félagar komust áfram
Fyrst birt: 25.07.2012 20:54, Síðast uppfært: 25.07.2012 20:54
Alfreð Finnbogason og félagar í Helsingborg eru komnir áfram í þriðju umferð forkeppni Meistaradeildarinnar
Alfreð Finnbogason og félagar hans í sænska liðinu Helsingborg eru komnir áfram í þriðju umferð undankeppni Meistaradeildar Evrópu eftir 3-0 heimasigur á TNS frá Wales í kvöld en fyrri leik liðanna lyktaði með markalaustu jafntefli og því samanlögð úrslit 3-0 Helsingborg í vil.
Alfreð var í byrjunarliði Helsingborg í kvöld en fór af leikvelli eftir 70 mínútna leik.
Helsingborg mætir annað hvort Buducnost Podgorica frá Svartfjallalandi eða pólska liðinu Slask Wroclaw í þriðju umferð.
Ertu með athugasemd vegna fréttarinnar? Sendu á frettir@ruv.is
