Skemmtileg en aðeins of karlaleg
Fyrst birt: 27.07.2012 15:21, Síðast uppfært: 27.07.2012 15:37
Hljómsveitin Dætrasynir á plötu vikunnar á Rás 2 um þessar mundir og eins og venjan er á föstudögum var Andrea Jónsdóttir beðin um að dæma hana.
Platan heitir Á ferð og flugi og hefur fengið að hljóma hér á rásinni reglulega undanfarna daga. Andrea Jónsdóttir er stödd í Englandi, en með hjálp nútímatækni gat hún samt sem áður sagt okkur álit sitt á plötunni.
Henni finnst hljómsveitin vera vel leikandi og skemmtileg. Textarnir eru nokkuð fyndnir en helst of karlalegir eða karlrembulegir. Efni textana pirrar hana örlítið og finnst Andreu strákarnir í hljómsvetinni of ungir fyrir slíka texta. Almennt er hún þó hrifin af plötunni og finnst hún vera vel samin og spiluð.
Einkunn: 7,6.
Ertu með athugasemd vegna fréttarinnar? Sendu á frettir@ruv.is
