A.F.É.S. & Í.T.V. 2016

Mynd með færslu
 Mynd: Sævar Jóhannesson  -  Rás 2
Í seinni hluta Rokkland heyrum við hvernig íslensku tónlistarverðlaunum var útdeilt á föstudaginn en í þeim fyrri erum við á ísafirði og förum svo í siglingu inn í Jökulfirði.

Björk fékk flest verðlaun á Íslensku Tónlistarverlaunum og Of Monsers and Men og Agent Fresco fylgdu í kjölfarið. Sturla Atlas var svo valin bjartasta vonin af hlustendum og starfsfólki Rásar 2.

RÚV sendi út beint frá hátíðinni og í Rokklandi dagsins skautum við yfir popp-rokk-djass og blús hluta verðlaunanna. Björn Jörundur var kynnir og söng líka í upphafsatriðinu. Glowie tók lagið, Stórsveit Reykjavíkur líka og Agent Fresco.

Hugmyndin að Aldrei Fór Ég suður tónlistarhátíðinni kviknaði á bar í London fyrir 13 árum síðan hjá þeim feðgum Mugison og pabba hans. Þetta byrjaði sem fáránleg hugmynd og rugl en ruglið var framkvæmt og síðan hefur það verið endurtekið á hverju ári í rúman áratug um páskana. Allt um það í Rokklandi í dag.

Umsjón: Ólafur Páll Gunnarsson
olipalli@ruv.is

Rokkland minnir svo á Hlaðvarpið þar sem nálgast má eldri þætti – langt aftur í tímann, hlaða þeim í tól sín og tæki og hlusta jafnvel aftur og aftur.


Deila frétt