16-liða úrslitin klárast í kvöld
Fyrst birt: 26.06.2012 17:26, Síðast uppfært: 26.06.2012 17:26
Kristinn Jónsson skoraði gegn KR í deildinni á miðvikudaginn.
Í kvöld kemur í ljós hverjir tryggja sér síðustu farseðlanna í 8-liða úrslitin í bikarkeppni karla í knattspyrnu.
Í Vesturbænum eigast við KR og Breiðablik í annað skiptið á innan við viku en Kópavogsliðið hafði betur á heimavelli í deildinni á miðvikudaginn. Í Víkinni taka Víkingar, sem spila í 1. deild, á móti úrvalsdeildarliði Fylkis. Flautað verður til leiks í Frostaskjóli klukkan 19:15 en viðureign Víkings og Fylkis hefst klukkan 20.
Ertu með athugasemd vegna fréttarinnar? Sendu á frettir@ruv.is
