11 marka sigur Argentínu á Bretum
Fyrst birt: 02.08.2012 17:19, Síðast uppfært: 02.08.2012 17:21
Bretar eru enn án stiga eins og Túnisar.
Argentínumenn unnu 11 marka sigur á Bretum, 32-21 í A riðli handbolta karla á Ólympíuleikunum í dag. Staðan í hálfleik var 16-11 fyrir Argentínu.
Þetta voru fyrstu stig Argentínu í riðlinum en Bretar og Túnisar hafa tapað öllum sínum leikjum. Þriðju umferð A riðils lýkur í kvöld þegar Ísland og Svíþjóð mætast klukkan 20:15. Leikurinn verður sýndur beint á RÚV og RÚV-HD.
Tveimur leikjum er lokið í B riðli, Króatar lögðu Ungverja í dag, 26-19 og Spánverjar unnu Suður Kóreu, 33-29.
Ertu með athugasemd vegna fréttarinnar? Sendu á frettir@ruv.is
